Anong gagawin mo kung


Paggising mo, wala ng lahat ang mga taong mahalaga sayo. Nawala, biglang hindi lang sila nag-exist.

Wala na ang mga taong maiingay, makukulit at nakikialam sa mga trip mo. Wala ka ng responsibilidad at expectations na nakaka-pressure. Lahat ng mga bagay na kinaiinisan mo pag nandyan lang sila sa tabi mo wala na.

Wala ng babati sayo tuwing umaga sa cellphone mo at magsasabing mahal ka niya. Wala ka na ring kasamang manood ng anime tuwing umaga habang kumakain ka ng itlog na mula ngayon ikaw na lagi ang magluluto. Wala ng tatawa sa mga jokes mong walang kwenta. Wala ka ng kasamang tatawa sa mga katangahan mo sa bahay nung bata ka pa. Wala ka ng kasamang magtitiyagang makinig sa boses mo pag nagvideoke ka sa Timezone. Wala ng hahawak ng kamay mo pag gininaw ka sa sinehan at habang naglalakad sa Trinoma.

Wala ka ng kukunan ng pictures na hindi ikaw ang bida. Wala ka ng maaasar kapag gusto mo mam-bully sa bahay dahil trip mo lang. Wala ka ng masusungitan na after 30 minutes e okay na ulit kayo. Wala ka ng pagpapacute-an at popormahan. Wala ka ng ido-drawing, susulatan at tutugtugan. Wala ka ng igogoodbye kiss pag-alis mo ng bahay. Wala ka ng papasalubungan.

Wala ka ng problema. Wala na ring dahilan para ngumiti, para magpatuloy, para mabuhay.

Anong gagawin mo kung